مفتی ابوداﺅد محمد صادق قادری رضوی کے عرس کی تقریبات اختتام پذیر

گوجرانوالہ (نمائندہ خصوصی ) ممتاز علمی و روحانی شخصیت مفتی ابوداﺅد محمد صادق قادری رضوی کے 8ویں سالانہ عرس مبارک اور گوجرانوالہ کی معروف قدیمی میعاری دینی درسگاہ جامعہ حنفیہ رضویہ سراج العلوم کے 71ویں سالانہ جلسہ دستار فضیلت کی تقریبات مرکز اہل سنت زینت المساجد دارالسلام گوجرانوالہ میں زیر نگرانی مولانا صاحبزادہ محمد داﺅد رضوی اور مولانا صاحبزادہ محمد راﺅف رضوی اختتام پذیر ہوگئیں۔عرس میں ملک بھر سے کثیر تعداد میں زائرین نے شرکت کی،تمام شعبہ ہائے زندگی سے تعلق رکھنے والے افراد موجود تھے۔نامور علما و مشائخ نے خطابات کئے۔عرس پاک کی اختتامی تقریب میں صاحبزادہ پیر محمد داﺅد رضوی نے عالم اسلام کی سربلندی اور وطن عزیز کی سالمیت کے لئے خصوصی دعا کی۔عرس کے موقع پر آستانہ عالیہ قادریہ رضویہ مرکز اہل سنت زینت المساجد دارالسلام گوجرانوالہ میں خوبصورت چراغاں بھی کیا گیا ۔