انگلینڈ نے آسٹریلیا کو ایشز سیریز کا تیسرا ٹیسٹ 3وکٹوں سے ہرا دیا

لاہور(سپورٹس ڈیسک ) انگلینڈ نے آسٹریلیا کو ایشز سیریز کا تیسرا ٹیسٹ میچ تین وکٹوں سے ہرا کر کینگروز کی برتری دو ایک کردی ۔ مہمان آسٹریلوی ٹیم دوسری اننگز میں 224رنز پر آئوٹ ہوگئی ۔ ٹریوس ہیڈ 77رنز بناکر نمایاں رہے ۔ سٹورٹ براڈ اور کرس ووکس نے تین تین کھلاڑیوں کو آئو ٹ کیا ۔ میزبان انگلش ٹیم نے 251رنز کا ہدف 7وکٹوں پرپورا کرلیا ۔ ہیری بروک 75‘زاک کرالی 44رنز بناکر نمایاں رہے ۔ کرس ووکس نے ناقابل شکست 32رنز بنائے ۔ مچل سٹار ک نے 5کھلاڑیوں کوآئوٹ کیا ۔