اسلام آباد (نوائے وقت رپورٹ) پاکستان ڈیموکریٹک موومنٹ (پی ڈی ایم) کے ترجمان حافظ حمد اللہ نے کہا ہے چیئرمین پی ٹی آئی توشہ خانہ، فارن فنڈنگ اور قادر یونیورسٹی کیسز میں مطلوب ہے، تم سانحہ 9 مئی کے ماسٹر مائنڈ ہو اس کا بھی جواب دینا ہوگا۔اپنے بیان میں حافظ حمد اللہ نے کہا چیئرمین پی ٹی آئی کا آئی ایم ایف سے انتخابات کے انعقاد کی گارنٹی مانگنا ملکی سیاست میں آئی ایم ایف کو مداخلت کی دعوت دینا ہے جس کی پی ڈی ایم شدید الفاظ میں مذمت کرتی ہے، ملک میں انتخابات کرانا الیکشن کمشن کا کام ہے آئی ایم ایف کا نہیں۔ انہوں نے مزید کہا بیرونی مداخلت کا ڈھونگ رچاکر قوم کو بے وقوف بنانے والا کس کو بے وقوف بنانے کی کوشش کر رہا ہے؟ یہ وہ منافقت ہے جس کا پردہ ہم دس سال پہلے چاک کر چکے ہیں، امریکا کے بعد آئی ایم ایف سے مداخلت کی بھیک مانگنا کیا یہ ہے جہاد؟ کیا یہ ہے حقیقی آزادی؟، شوکت ترین دو صوبوں کے وزرا  خزانہ کو معاہدہ سبوتاژ کرنے کی ہدایات دے رہے ہوتے تھے۔