شیخوپورہ(نمائندہ خصوصی) پنجاب کونسل آف دی آرٹس ڈسٹرکٹ شیخوپورہ کے زیر اہتمام مختلف کیٹیگری میں مقابلے ہوئے جس میں اسلامک کیلی گرافی، مقابلہ حسن ِقرات اور کیلیگرافی کی نمائش شامل تھی تقریب کی صدارت ڈائریکٹر آرٹس کونسل افراز احمد نے کی جبکہ مہمان خصوصی ایڈیشنل ڈپٹی کمشنر فنانس میاں نذیر احمد تھے اس موقع پر چیف افسر میونسپل کمیٹی ملک محمدمنشاء جاوید، نامور آرٹسٹ سرفراز علی، میڈم منیبہ، فرح انس، نامور آرٹسٹ ورع زیدی اور میڈم فاریہ ودیگر موجودتھے پروگرام کے اختتام پر پوزیشن ہولڈرز کو نقد انعامات اور اسناد دی گئیںاسلامک کیلیگرافی میں پہلی پوزیشن عیشہ صفدر دوسری پوزیشن انوشہ قادر جبکہ تیسری پوزیشن دو بچوں امینہ سحر اور امامہ علیم نے حاصل کی۔ قرات مقابلہ میں پہلی پوزیشن محمد عبداللہ دوسری پوزیشن حافظ عبدالرحمن ‘ تیسری پوزیشن حافظہ سماویہ نے حاصل کی۔ اسلامک کیلیگرافی میں حصہ لینے والے امیدواروں کی تعداد 40 جبکہ مقابلہ قرات میں حصہ لینے والے امیدواروں کی تعداد 33 تھی پوزیشن ہولڈرز کو کیش انعامات دئیے گئے پہلا انعام 7000 ہزار، دوسرا انعام 5000 ہزار جبکہ تیسرا انعام 4000 ہزار شامل تھے۔