گوتم گمبھیر بھارتی ٹیم کے ہیڈ کوچ مقرر

لاہور(سپورٹس رپورٹر)سیکرٹری بھارتی کرکٹ بورڈ بی سی سی آئی جے شاہ نے گوتم گمبھیر کی ہیڈ کوچ تعینات کا اعلان کردیا۔جے شاہ نے کہا کہ گوتم گمبھیر کو بھارتی ٹیم کے ہیڈ کوچ کے طور پر خوش آمدید کہتا ہوں۔ میں پْراعتماد ہوں کہ گوتم گمبھیر انڈین کرکٹ کیلئے ایک آئیڈیل شخص ہیں۔ گوتم گمبھیر کرکٹ میں وسیع تجربہ رکھتے ہیں اور انکا ٹیم انڈیا کے حوالے سے ویژن بڑا واضح ہے۔