فیروزوالہ (نامہ نگار) سگیاں چوک کے قریب چٹھہ کالونی میں بجلی کا ٹرانسفارمر خراب ہونے پر شہری نے سڑک بلاک کر کے واپڈا کے خلاف احتجاج کیا  اورشدید نعرہ بازی کی ۔شہریوں نے بتایا ہے کہ گزشتہ روز سے ٹرانسفارمر خراب ہے۔بجلی سپلائی معطل ہو نے سے شہریوں کوشدید مشکلات کا سامنا ہے۔ شہریوں نے واپڈا انتظامیہ سے  فوری طور پر ٹرانسفارمر لگانے کا مطالبہ کیا۔ پولیس افسروں کی جانب سے بجلی بحالی کیلئے اقدامات کرنے کی یقین دہانی پر مظاہرین نے ٹریفک بحال کردی۔