ساہیوال/سرگودھا (نامہ نگار) ایک ہفتہ قبل وفات پا جانے والے طالب علم نے میٹرک کے حالیہ نتائج میں سکول میں پہلی پوزیشن حاصل کر لی۔ اساتذہ، ہم جماعت اور والدین نے دکھی دل سے نتیجہ دیکھا۔ تفصیلات کے مطابق گورنمنٹ ہائی سکول نہنگ تحصیل ساہیوال  کے طالب علم شہزاد احمد نے 1102 نمبر حاصل کر کے سکول بھر میں پہلی پوزیشن اپنے نام کی۔ شہزاد احمد کو ایک ہفتہ قبل دل کا عارضہ ہوا اور اس کا انتقال ہو گیا تھا۔ اسی طرح گورنمنٹ ہائی سکول ساہیوال کے طالب علم محمد ساجد بھی دو روز قبل کرنٹ لگنے سے جاں بحق ہوا، اس نے بھی 964 نمبر حاصل کئے۔ ساجد ایک مقامی محنت کش محمد باقر ترکھان کا بیٹا تھا۔