گوجرانوالہ:ڈی ڈی تعلقات عامہ کے بیٹے کی سکول میں پہلی پوزیشن 

گوجرانوالہ (نمائندہ خصوصی )ڈپٹی ڈائریکٹر تعلقات عامہ گوجرانوالہ منورحسین کے ہونہار صاحبزادے حافظ احمد حسن نے میٹرک کے امتحان میں 1085نمبر حاصل کرکے اپنے سکول میں ٹاپ کیاہے،ڈ ائریکٹرتعلقات عامہ گوجرانوالہ ڈویژن سید افتخار علی شاہ،آفس سپرنٹنڈنٹ قاضی احسن شبیر ،اسسٹنٹ غلام دستگیر اور دفتر کے دیگر سٹاف ممبران نے انہیں مبارکباد دی اور گلدستہ پیش کیااور انکے لئے نیک خواہشات کا اظہار کیا۔ انہوں نے کہا کہ حافظ احمد حسن کی کامیابی واضح طور پر یہ پیغام دیتی ہے کہ اگر گھر، سماج اور ملکی سطح پر ناموری حاصل کرنی ہے تو اس کیلئے محکم عزم اور عمل پیہم کی راہ اختیار کرنی پڑے گی اور اس راہ میں آنیوالے سخت مقامات کو اپنے بلند حوصلوں سے سر کرنا ہوگا۔زندگی میں کامیابی حاصل کرنے کا یہی وہ نسخہ ہے جسے استعمال کر کے نہ صرف تعلیم بلکہ دیگر شعبہ ہائے زندگی میں نمایاں کارکردگی انجام دی جا سکتی ہے ،ڈائریکٹر تعلقات عامہ افتخار علی شاہ نے کہا کہ اس کامیابی کیلئے حافظ احمد حسن اور اس کے والدین مبارک باد کے مستحق ہیں۔