وفاق کے نمائندے کمال اظفر ایڈووکیٹ آج اپنے دلائل جاری رکھیں گے۔ کیس کی گزشتہ سماعت کے دوران کمال اظفرنے وفاق کی جانب سے این آراو کے بارے میں تفصیلی جواب جمع کرایا تھا ۔ انہوں نے اپنے مؤقف کی وضاحت کرنا چاہی تو لارجر بینچ نے کہا کہ نظرثانی کی درخواست کا فیصلہ آج کیا جائے گا جس پر کمال اظفر نے بینچ کو بتایا کہ کیس کی اہمیت کو دیکھتے ہوئے انہیں مزید دلائل کا موقع فراہم کیا جائے۔ جس کے بعد اس بات کا امکان ہے ان کے دلائل سننے کے بعد فاضل بینچ آج فیصلہ سنا سکتا ہے ۔