امریکہ میں پاکستانی سفیر سے اردگان کی ملاقات، نواز شریف کی خیریت دریافت کی

لوئی ول (نوائے وقت رپورٹ) ترک صدر طیب اردگان نے پاکستانی سفیر جلیل عباس جیلانی سے لوئی ویل میں ملاقات کی۔ نجی ٹی وی کے مطابق ترک صدر نے وزیراعظم نواز شریف کی خیریت دریافت کی اور وزیراعظم کی جلد صحت یابی کیلئے نیک خواہشات کا اظہار کیا۔ جلیل عباس جیلانی نے بتایا کہ ترک صدر سے ملاقات باکسر محمد علی کی نماز جنازہ کے موقع پر ہوئی۔