منکیرہ+ پاکپتن+ جھنگ + سیالکوٹ (نامہ نگاران) مختلف واقعات میں اوباشوں نے 2 شادی شدہ سمیت 3 خواتین اور 9 سالہ بچے کو زیادتی کا نشانہ بنا ڈالا۔ منکیرہ کے نواحی علاقہ 67 ایم ایل کی رہائشی خاتون ثمرین کو ملزمان رانا ناصر‘ محمد شبیر‘ اقبال‘ سعید‘ ندیم اور یاسر جٹ وغیرہ نے شراب کے نشہ میں اغوا کے بعد ڈیرے پر لے جاکر زیادتی کا نشانہ بنایا اور تشدد بھی کیا۔ پولیس نے 4 ملزموں کو گرفتار کر لیا ہے۔ پاکپتن میں محمد نگر کے قریبی علاقہ سے ملزم سمیع اللہ نے اپنے چار ساتھیوں کے ہمراہ شازیہ بی بی کو اغوا کرکے نامعلوم مقام پر لے جاکر زیادتی کا نشانہ بنا دیا۔ منڈی شاہ جیونہ کے رہائشی رمضان نے بتایا کہ اس کی بیوی گھر میں اکیلی تھی ملزم شیر علی نے زبردستی گھس کر زیادتی کا نشانہ بنا ڈالا۔ سیالکوٹ میں تھانہ سول لائن کے علاقہ گلی کونسلر والی میں 9 سالہ (ش) کو اوباش عامر بلو نے زیادتی کا نشانہ بنایا۔ بچے کے شور پر محلہ داروں نے ملزم کو پکڑ کر تشدد کے بعد پولیس کے حوالے کردیا۔