سرگودھا یونیورسٹی میں فائن آرٹ طالبہ کی پراسرار ہلاکت‘ بیہوشی کی حالت میں ملی: پولیس

سرگودھا (نوائے وقت رپورٹ) سرگودھا یونیورسٹی میں فائن آرٹ کی طالبہ پراسرار طور پر ہلاک ہو گئی۔ پولیس کے مطابق طالبہ فائن آرٹ ڈیپارٹمنٹ میں بے ہوشی کی حالت میں پائی گئی۔ مہک جبیں کو ہسپتال منتقل کیا گیا مگر وہ جانبر نہ ہو سکی۔ اہلخانہ نے طالبہ کی نعش کا پوسٹ مارٹم کرانے سے انکار کر دیا۔ طالبہ کی موت کی وجہ معلوم نہیں ہو سکی۔ اہلخانہ نے ہسپتال میں میڈیا کو کوریج سے بھی روک دیا۔