لاہور(پ ر) یونین کونسل 74ساندہ کے چیئرمین چودھری محمد اقبال گجر کی زیرصدارت ایک ہنگامی اجلاس منعقد ہوا جس میں معززین علاقہ کی کثیر تعداد نے شرکت کی۔ البشیر سٹریٹ افضال روڈ ساندہ کلاں کا ٹرانسفارمر جو کہ تقریباً دو ماہ سے مسلسل خراب رہتا ہے مکین روزانہ ایس ڈی او واپڈا ساندہ کلاں کے دفتر کا چکر لگا لگا کر تھک گئے ہیں کوئی پرسان حال نہیں۔ افضال روڈ پر کھمبا بالکل الٹا ہوا ہے تاریںی بہت لٹکی ہوئی ہیں کسی وقت بھی حادثہ کا شکار ہو سکتا ہے۔ اجلاس میں چیئرمین واپڈا (SE)ایس ای واپڈا، ایکس ای این سمن آباد ڈویژن اور ایس ڈی او ساندہ کلاں سے مطالبہ کیا کہ افضال روڈ پر ٹرانسفارمر جلد نیا لگایا جائے۔