نارووال پسنجر کے نام سے نئی ٹرین آج چلے گی

بدوملہی (نامہ نگار) آج صبح دس بجے نارووال پسنجر کے نام سے نئی ٹرین لاہور سے نارووال اور دوپہر دو بجے نارووال سے لاہور کیلئے چلے گی،28مئی کو ریلوے جنکشن نارووال کی افتتاحی تقریب سے سابق وزیر ریلوے خواجہ سعد رفیق نے نارووال ضلع کے دیرینہ مطالبہ کو پورا کرتے ہوئے نارووال پسنجر کے نام سے نئی ٹرین چلانے کا اعلان کیا تھا جس کو باقاعدہ پاکستان ریلوے کی جانب سے چند روز قبل چلانے کا اعلان کیا جا چکا ہے نارووال پسنجر 212ڈوان صبح 10بجے لاہور،شاہدرہ،نارنگ ،بدوملہی سے ہوتی ہوئی دوپہر سوا بارہ بجے نارووال پہنچے گی اور سہ پہر دو بجے 211اپ ٹرین بن کر نارووال سے لاہور کیلئے روانہ ہوگی ریلوے احکام کے مطابق نئی چلنے والی ٹرین کا کرایہ ایک سو روپے رکھا گیا۔