ملتان (سپورٹس رپورٹر) ڈی سی اے ملتان کی عبوری کمیٹی کے زیراہتمام انٹر کلب ڈسٹرکٹ کرکٹ چیمپئن شپ کے بقیہ میچز عیدالفطر کے فوراً بعد 19 جون سے دوبارہ شروع ہوں گے جبکہ اب تک ایونٹ کے 10 میچز مکمل کئے جا چکے ہیں۔ رمضان المبارک کی وجہ سے میچز روک دئے گئے تھے۔ جاری کئے گئے شیڈول کے مطابق 19 جون کو سی سی کا مقابلہ ذوالفقار میموریل سے ایم سی سی گراؤنڈ جبکہ گولڈن سٹار کلب اور ڈیسنٹ کلب سے بی زیڈ یو میں 20 جون کو چناب کلب اور کیپری کینٹ ایم سی سی گراؤنڈ میں 21 جون کو ملتان ینگسٹرز اور علی جم خانہ سے ایم سی سی گراؤنڈ جبکہ اولمپیاء کلب کا مقابلہ سپنا کلب سے بی زیڈ یو جبکہ القادر میموریل کلب کا مقابلہ گولڈن سٹار سے ایم سی سی میں 24 جون کو فرینڈز کلب اور فالکن کلب ایم سی سی گراؤنڈ میں جبکہ پی سی اور ہما میموریل کلب سے بی زیڈ یو میں کھیلا جائے گا۔