کوئٹہ (صباح نیوز)کوئٹہ کے علاقے نیو سریاب میں آئل ٹینکر الٹنے کے بعد آگ لگ گئی، آگ بجھانے کی کوشش کے دوران ریسکیو اہلکاروں سمیت 8 افراد جھلس گئے۔پولیس کے مطابق سریاب کے علاقے کسٹم میں ایک آئل ٹینکر بے قابو ہوکر الٹ گیا، آئل ٹینکر الٹنے اورتیل بہنے کے باعث بڑے علاقے میں آگ پھیل گئی ،جس نے قریبی35 دکانوں کو اپنی لپیٹ میں لے لیا۔آگ پر قابو پانے کے لیے فائر بریگیڈ کی 6 گاڑیاں اور 3 واٹر باوئزر نے کارروائی میں حصہ لیا اور 2 گھنٹے کی جدوجہد کے بعد رات گئے آگ پر قابو پایا جاسکا ۔زخمیوں کو طبی امداد کے لیے قریبی ہسپتا ل منتقل کر دیا گیا جبکہ واقعہ کی تحقیقات کی جا رہی ہیں۔