لاہور(نمائندہ خصوصی)لاہورمیں متعدد وارداتوں کے دوران شہری لاکھوں روپے، زیورات، موبائل فون، موٹر سائیکلوں اور گاڑیوں سمیت دیگر قیمتی سامان سے محروم ہو گئے۔ذرائع کے مطابق جنوبی چھاؤنی علاقہ میں ڈاکوؤں نے حنان کے گھر سے5لاکھ50ہزارمالیت کی نقدی، طلا ئی زیورات اور دیگر سامان،گجر پورہ میں ڈاکوؤں نے معظم کے گھر سے 4لاکھ10ہزار کی نقدی ،طلائی زیورات اور دیگر سامان، سندر کے علاقے ڈاکوؤں عمران کے گھرمیں گھس کر اسلحہ کے زور پر 4لاکھ لوٹ کر فرار ہو گئے ، کاہنہ میں ڈاکوؤں نے جاوید کے گھر سے2لاکھ 35ہز ار کی نقدی ،طلا ئی زیورات اور دیگر سامان ،ساندہ کے علاقہ میں ڈاکووں نے ابوبکر کے گھر سے ایک لاکھ 45ہز ار کی نقدی ،طلا ئی زیورات اور دیگر سامان، شالیمار میں ڈاکووں نے ارسلان کے گھر سے ایک لاکھ، زیورات اور دیگر سامان لوٹ لیا۔شادمان میں ڈاکوؤں نے عاطف سے65ہزار کی نقدی اور دیگر سامان،شفیق آباد کے علاقہ میں ڈاکوؤں نے غفار سے 24ہزار کی نقد ی اور دیگر سامان،شاہدرہ کے علاقہ میں ڈاکوؤں نے جاسم سے18 ہزار کی نقدی زیورات اور دیگر سامان چھین لیا۔ فیکٹری ایریا اور سمن اباد سے گاڑیاں اور گوالمنڈی،مصطفی ٹاون اور مسلم ٹاون سے موٹر سائیکلیں چوری ہو گئیں۔