کراچی (نیٹ نیوز) سٹیج‘ ٹی وی‘ فلم کے سینئر اداکار اختر شیرانی انتقال کر گئے۔ اختر شیرانی کافی عرصے سے گردوں کے عارضے میں مبتلا تھے۔ انہوں نے اداکار عمر شریف کے ساتھ سٹیج ڈرامہ ’بکرا قسطوں پر‘ میں یادگار کردار ادا کیا۔ وہ شوبز انڈسٹری میں مرزا جی کے لقب سے مشہور تھے۔ اختر شیرانی کے بیٹے علی رضا کے مطابق وہ گزشتہ کئی روز سے سانس کے عارضے میں مبتلا تھے۔ سانس لینے میں دشواری کی بناء پر انہیں وینٹی لیٹر پر رکھا گیا۔ نماز جنازہ امام بارگاہ رضویہ میں سوسائٹی میں ادا کی جائیگی جبکہ تدفین وادی حسین قبرستان میں ہو گی۔