حافظ آباد(نمائندہ نوائے وقت)جناح چوک میں لاکھوں روپے سے خرچ کرکے بنائی جانیوالی گرین بیلٹ کی گھاس عدم توجہی کے باعث خراب ہونے لگی ، بیلٹ میں کچرے، کھانے کے خالی ڈبوں اور گندگی میں اضافہ سے شہریوں کو شدید مشکلات کا سامنا کرنا پڑ رہا ہے۔تفصیلات کے مطابق جناح چوک گوجرانوالہ روڈ پر لاکھوں روپے خرچ کرکے گرین بیلٹ تعمیر کی گئی اور اس میں قیمتی گھاس اور پودے بھی لگائے گئے جو ضلعی انتظامیہ اور میونسپل کمیٹی کی عدم توجہی کے باعث اُجاڑ اور بے رونق ہو چکی ہے، پانی نہ ملنے سے گھاس خراب ہوگئی شہری حلقوں نے ڈپٹی کمشنرنوید شہزاد مرزا اور دیگر متعلقہ حکام سے مطالبہ کیا ہے کہ چوک میں فوارہ اور خوبصورت رنگ برنگی برقی لائٹس ،گرین بیلٹ کی صفائی وگھاس وپودوں کو سرسبز رکھنے کے انتظامات ونگرانی یقینی بنائی جائے ۔