فکر آخرت انسان کو گناہوں سے بچاتی ہے:حافظ یعقوب فریدی

گوجرانوالہ(نمائندہ خصوصی)فکر آخرت انسان کو گناہوں سے بچاتی ہے ‘موت ایک اٹل اور ناقابلِ تردید حقیقت ہے ‘اخروی زندگی کی کامیابی کیلئے اعمالِ صالحہ کا خوگر بننا ہو گا۔ ان خیالات کا اظہار معروف عالمِ دین علامہ حافظ محمد یعقوب فریدی نے ایڈوائزر ٹو چیف آرگنائزر پنجاب آل پاکستان مسلم لیگ چوہدری شوکت منیر کی اہلیہ ‘ڈویژنل صدر آل پاکستان مسلم لیگ خواتین ونگ میڈم کرن صباء کے ایصال ثواب کیلئے منعقدہ تعزیتی پروگرام ’’ختم دسواں‘‘ کے موقع پر خطاب کرتے ہوئے کیا۔دعوتِ اسلامی کے ضلعی نگران محمد دانیال عطاری نے بھی خطاب کیا۔