واجد ضیاء تبدیل، ثنائاللہ عباسی ڈی جی ایف آئی اے تعینات

اسلام آباد ( خصوصی  نامہ نگار+نوائے وقت رپورٹ) وفاقی تحقیقاتی ادارے (ایف آئی اے) کے ڈائریکٹر جنرل واجد ضیاء  کو تبدیل کر دیا گیا ہے۔ ذرائع کے مطابق انسپکٹر جنرل (آئی جی) پولیس خیبر پی کے  ثناء اللہ عباسی کو ڈی جی ایف آئی اے تعینات کر دیا گیا ہے۔ سابق ڈی جی ایف آئی اے واجد ضیا کو ڈی جی نیشنل پولیس فائونڈیشن تعینات کر دیا گیا۔ ذرائع نے بتایا کہ ثناء اللہ عباسی کی جگہ معظم جاہ انصاری کو آئی جی خیبرپی کے  تعینات کیا گیا ہے۔ جبکہ صلاح الدین خان کو کمانڈنٹ ایف سی تعینات کردیا گیا۔نوٹیفکیشن جا ری کر دیا گیا۔