دنیا پور کا ایک اور نوجوان دم توڑ گیا، 9لاوارث میتوں کی شناخت

دنیاپور‘ رحیم یار خان(تحصیل رپورٹر‘ کرائم رپورٹر) ریتی ریلوے اسٹیشن کے نزدیک ٹرین کے خوفناک حادثے میں دنیاپور کا ایک اور جوان شہید ہو گیا محمد شفیق جو کراچی میں الیکٹریشن کا کام کرتا تھا کراچی سے گھر چھٹی پر آرہا تھا حادثے کا شکار ہو گیا  محمد شفیق تین بچوں کا باپ تھا حادثے کے دن سے تلاش کا سلسلہ جاری تھا موبائل فون جائے حادثے سے نامعلوم شخص سے بات ہوئی تھی اس نامعلوم شخص نے موبائل فون حادثے والے جگہ سے ملنے کا بتایا تھا اسی دن سے گھروالوں کی جانب سے تلاش جاری تھی ۔  9افراد جن کی شناخت نہ ہوپائی تھی کی نعشوں کو شیخ زید ہسپتال کے سرد خانہ منتقل کردیا گیا تھا جہاں گزشتہ روز ٹرین حادثہ میں منتقل کی جانیوالی 9میتوں کی شناخت ہوجانے پر میتیں تدفین کے لئے ورثاء کے حوالے کردی گئی، جنہیں ان کے آبائی علاقہ منتقل کرنے کیلئے روانہ کردیاگیا ہے۔ جبکہ شیخ زید ہسپتال میں زیرعلاج مزید8مسافر صحت یاب ہوگئے، گھروں کو روانہ، 15 زخمی مسافر بدستور زیرعلاج، 5کی حالت تشویشناک ہے۔