لاہور(نامہ نگار) سی ٹی او لاہور منتظر مہدی نے فیروز پور روڈ پر مختلف پوائنٹس پر دھوپ میں ڈیوٹی دینے والے ٹریفک ورڈنز میںچھتریاں تقسیم کیں۔ سی ٹی او لاہورکا کہنا تھا کہ سی سی پی او لاہور کی ہدایت پر وارڈنز کی حفاظت کو یقینی بنایا جارہا ہے۔وارڈنز کے ڈیوٹی پوائنٹس پر بیٹھنے اور ٹھنڈا پانی مہیا کرنے کیلئے بھی اقدامات کئے جارہے ہیں۔ فورس کو سہولیات فراہم کرتے ہوئے بہترین نتائج حاصل ہوں گے۔ ان کامزید کہنا تھا کہ ہم ڈیوٹی کو عبادت سمجھ کر کرتے ہیں۔ شہری وارڈنز کو اپنا دوست سمجھیں، قوانین کا احترام کریں۔