کراچی (نیوز رپورٹر)سینئر سیاسی و سماجی رہنما اور کاروباری شخصیت کامران ٹیسوری نے پاکستان میں تعینات  ترکیہ(ترکی) کے نئے قونصل جنرل سیمل سانگو سے ملاقات  کر کے پاکستان میں تعیناتی پر مبارکباد پیش کی۔ اس موقع پر پاکستان کی موجودہ سیاسی و اقتصادی صورتحال پر بھی تبادلہ خیال کیاگیا۔ کامران ٹیسوری کا کہنا تھا کہ پاکستان اور ترکیہ کے درمیان برادرانہ تعلقات دونوں ممالک کے عوام سے جڑے ہیں، عوام پاکستان کے لئے ترکی کے اقدامات اور ہر مشکل میں پاکستان کے کھڑے رہنے کو قدر کی نگاہ سے دیکھتی ہے، ترکیہ کے تاجروں کے لئے پاکستان میں سرمایہ کاری کے وسیع مواقع موجود ہیں۔