سابق عالمی اسنوکر چیمپئن محمد آصف کو  لیجنڈ کرکٹر وسیم اکرم کی مبارکباد

کراچی(اسپورٹس رپورٹر) لیجنڈ کرکٹر وسیم اکرم، نیشنل بینک کے گروپ چیف کریم اکرم خان، ڈویژنل ہیڈ مدثر انعام اللہ اور ونگ ہیڈافشاں شکیل نے سابق عالمی اسنوکر چیمپئن اور نیشنل بینک کے آفیسر محمد آصف کو دو سال کے لیے ٹور کارڈ حاصل کرکے اسنوکر میں نئی تاریخ رقم کرنے پر مبارک باد پیش کی ہے۔ گروپ چیف کریم اکرم خان نے اپنے بیان میں کہا کہ یہ پاکستان اور نیشنل بینک کے لئے بھی یہ ایک اعزاز ہے،اس موقع پر وسیم اکرم نے اپنی نیک خواہشیات کا اظہار کرتے ہوئے اس توقع کا بھی اظہا ر کیا کہ پاکستانی کیوئسٹس کی فتو حات کا سلسلہ جاری رہاتووہ دن دور نہیں جب اسنوکر پر بھی پاکستان کی ہی بادشاہی ہوگئی۔دریں اثنا انورفاروقی،عادل مرتضی،عظمت اللہ خان اور دیگر نے بھی مبارک باد پیش کی۔