حسن علی کو سپورٹ کریں ‘اس کا پیچھا چھوڑ دیں،وسیم اکرم

کراچی(اسپورٹس رپورٹر )قومی کرکٹ ٹیم کے سابق کپتان وسیم اکرم قومی ٹیم کے فاسٹ بولر حسن علی کے حق میں بول پڑے۔سماجی رابطے کی سائٹ ٹوئٹر جاری اپنے ویڈیو بیان میں وسیم اکرم کا کہنا ہے کہ فاسٹ بولر حسن علی کو سپورٹ کریں اس کا پیچھا چھوڑ دیں، حسن علی دوسرا اوور کروا رہا ہوتا ہے اور ٹرینڈ چلائے جاتے ہیں کیوں کھلایا؟۔وسیم اکرم نے کہا کہ حسن علی میچ ونر ہے، بطور سابق کپتان اس کے پیچھے کھڑا ہوں۔سابق کپتان وسیم اکرم نے اپنے پیغام میں ویسٹ انڈیز  کے خلاف میچ جیتنے پر پاکستان ٹیم کو مبارکباد بھی دی۔