لاہور(نامہ نگار)انویسٹی گیشن ونگ میں تعینات اہلکاروں کی اگلے عہدوں پر ترقی پانے کے بعد ہیڈکوارٹرز میں پرموشن بیجز لگانے کےلئے خصوصی تقریب کا اہتمام کیا گیا۔ ڈی آئی جی انویسٹی گیشن کامران عادل،ایس ایس پی انویسٹی گیشن ڈاکٹر انوش مسعود، ایس پی سی آر او آفتاب پھلروان نے شرکت کی۔ اس موقع پر ریڈر ملک شرجیل اور پی آر او وقاص حیدر بھی موجود تھے۔ پولیس افسران نے ترقی پانے والے اسسٹنٹ سب انسپکٹر آصف شہزاد، مبشر خان، زاہد اقبال اور عرفان کو رینک لگائے۔ ایس ایس پی انویسٹی گیشن ڈاکٹر انوش مسعود نے کہا کہ شہریوں کی بھلائی کےلئے مزید دلجمعی سے محنت کریں۔ اسسٹنٹ سب انسپکٹر آصف شہزاد پی آر او برانچ، زاہد اقبال ریڈر برانچ، مبشر خان اور عرفان سی آر او برانچ میں تعینات ہیں۔