فیفا ورلڈ کپ کوالیفائرز ‘پاکستان کی آخری میچ میں شرکت خطرے میں پڑ گئی 

لاہور(سپورٹس رپورٹر)پاکستان فٹبال ٹیم کی فیفا ورلڈ کپ کوالیفائرز رانڈ 2 کے آخری میچ میں شرکت خطرے میں پڑ گئی۔قوم ٹیم کو تاجکستان روانگی میں مشکلات کا سامنا ہے، پاکستان اور تاجکستان کا میچ 11 جون کو دوشنبے میں شیڈولڈ ہے۔قومی ٹیم نے فیصل آباد سے براستہ دبئی دوشنبے جانا تھا تاہم نجی ایئرلائن کی پرواز دو بار تاخیر کے بعد منسوخ ہو گئی۔پاکستان فٹبال فیڈریشن نے قومی ایئرلائن سے چارٹرڈ پرواز کیلئے رابطہ کیا ہے تاہم چارٹرڈ پرواز کا حتمی فیصلہ قومی ایئرلائن کی اجازت سے مشروط ہے،فیڈریشن نے دوسری ایئرلائن سے بھی رابطہ کیا ہے۔