ننکانہ صاحب:فوڈ اتھارٹی کی کارروائی ساڑھے 3ہزار مردہ مرغیاں برآمد

ننکانہ صاحب(نامہ نگار)محکمہ لائیو سٹاک اور پنجاب فوڈ اتھارٹی نے مشترکہ کارروائی کرتے ہوئے ساڑھے3ہزارمردہ مرغیوں برآمد کرلیں ، دو ملزم گرفتار کرلئے گئے۔ڈپٹی کمشنر ننکانہ صاحب چوہدری محمد ارشد کی ہدایت پر محکمہ لائیو سٹاک اور پنجاب فوڈ اتھارٹی نے خفیہ اطلاع پر ننکانہ شاہکوٹ روڈ پر کمال پور  کے قریب چھاپہ مار کر مردہ مرغیوں کے گوشت سے لدی گاڑی پکڑ لی گاڑی میں تین ہزارپانچ سو کلو مردہ مرغیوں کا گوشت کمال پور سے لاہور منتقل کیا جا رہا تھا۔ ڈپٹی کمشنر چوہدری محمد ارشد نے کہا کہ مردہ گوشت سے لدی گاڑی کو قبضہ میں لے کر مزید کارروائی کی جا رہی ہے۔