لاہور (نیوز رپورٹر) چین میں 19 ویں پیپر عالمی ایکسپو میں پاکستان کی نمائندگی کرنیوالے وفد وطن واپس پہنچا۔ چیئرمین ایپٹما احد امین ملک اور سینئر وائس چیئرمین شبیر ہیرا نے وفد کا علامہ اقبال ائیرپورٹ پر استقبال کیا۔ آل پاکستان پیپر مرچنٹ ایسوسی ایشن کا 15 رکنی وفد سینئر تاجر رہنماء خامس سعید بٹ کی قیادت میں چائنہ گیا تھا۔ وفد میں باو محمد بشیر ، میاں امجد حسین بلو ، محمد مزمل ارسلان عابد ، محمد عمیر ، شعیب ملک ، جنید ملک ، رانا فیاض احمد ، شرافت حسین ، حافظ دلشاد احمد ، موسی سعود شیخ ودیگر کاروباری شخصیات شامل تھیں۔ سینئر تاجر رہنماء خامس سعید بٹ اور باو محمد بشیر نے علامہ اقبال ائیرپورٹ پر ایپٹما رہنماوں کے استقبال کرنے پر شکریہ ادا کرتے ہوئے کہا عالمی پیپر ایکسپو چائنہ میں پاکستان کی نمائندگی ہمارے لئے قابل فخر ہے۔ پاکستان اور چائنہ کے اقتصادی کاروباری سفارتی تعلقات میں گرمجوشی سے ہی ملک ترقی کرے گا۔