شارجہ، ابو ظہبی میں بارش کچھ مقامات پر اولے بھی پڑےٍ

دبئی (نیٹ نیوز) اتوار کی دوپہر اماراتی شہر فجیرہ  کے پہاڑی مقامات پر بارش ہوئی جس نے  العین اور راس الخیمہ کو بھی متاثر کیا۔ عرب میڈیا کے مطابق ابوظہبی کے العین سٹی میں بارش کے ساتھ ساتھ کئی علاقوں میں اولے بھی پڑے۔ اماراتی ریاست راس الخیمہ کی کئی وادیوں میں بھی بارش ہوئی جبکہ شارجہ کے علاقے ملیحہ میں بھی بارش ہوئی اور اولے پڑے۔ امارات کے نیشنل سینٹر آف میٹرولوجی کے مطابق ان علاقوں میں درمیانی سے تیز بارش ہوئی۔