کراچی: سی ویو پر پولیس مقابلے  میں 2 ڈاکو ہلاک

کراچی(نیٹ نیوز)  کراچی کے علاقے سی ویو پر پولیس مقابلے میں 2 ڈاکو ہلاک ہوگئے۔ ڈپٹی انسپکٹر جنرل (ڈی آئی جی) ساؤتھ اسد رضا کے مطابق سی ویو پر اتوار کو رش کی مناسبت سے پولیس تعینات تھی اسی دوران ایک شہری نے موٹر سائیکل گشت پر مامور شاہین فورس کے اہلکاروں کو بتایا ڈاکو اس سے موبائل فون چھین کر بھاگے ہیں۔اہلکاروں نے فوری طور پر تعاقب کیا جس پر ڈاکو وںنے اہلکاروں پر فائرنگ کردی۔ اہلکاروں کی جوابی فائرنگ کے نتیجے میں دونوں ہلاک ہوگئے۔