ہوسکتا ہے  شہباز شریف تین ماہ میں  اسمبلی تحلیل کر دیں: منظوروسان کی پیشگوئی 

کراچی (آئی این پی )  پیپلز پارٹی سندھ کے سینیئر نائب صدر منظور وسان نے پیش گوئی کی ہے کہ ہوسکتا ہے کہ شہباز شریف تین ماہ میں قومی اسمبلی تحلیل کر دیں۔ ملکی سیاست اور حکومت سے متعلق پیش گوئی کرتیہوئے منظور وسان نے کہا کہ ملکی سیاست کے لیے 3 ماہ بڑے اہم ہیں اور موجودہ سیٹ اپ میں نواز شریف وزیراعظم نہیں بن سکتے۔ انہوں نے کہا کہ قومی اسمبلی تحلیل ہونے کے بعد جو بھی سیٹ اپ آئے گا دیکھا جائے گا، البتہ باقی صوبائی اسمبلیاں موجود رہیں گیں۔منظور وسان نے کہا کہ بانی پی ٹی آئی اور دیگر سیاستدانوں کے لیے اچھے حالات نہیں دیکھ رہا، ریلیف ملتے بھی ہیں اور پھر واپس بھی ہو جاتے ہیں، بانی پی ٹی آئی خوش فہمی میں نہ رہیں۔