نئے ترقی پانے والے سپرنٹنڈنٹ اسلام آباد پولیس علی رضا کو رینک لگانے کی تقریب

اسلام آباد(اپنے سٹاف رپورٹر سے)نئے ترقی پانے والے اسلام آباد پولیس کے سپرنٹنڈنٹ پولیس علی رضا کو رینک لگانے کی تقریب ہوئی انسپکٹر جنرل آف پولیس اسلام آبادسید علی ناصر رضوی نے تقریب کے دوران اے ایس پی علی رضا کو ایس پی عہدے کے رینک لگائے،ان کو مبارک باد دی اور نیک خواہشات کا اظہار کرتے ہوئے کہا کہ پولیس سروس میں محکمانہ ترقی اور رینک میں اضافہ درحقیقت ذمہ داریوں میں اضافے کی عکاسی کرتا ہے امید کرتاہوں کہ قانون کے یکساں نفاذ،میرٹ کی پاسداری اوربہترین سروس کی فراہمی سے شہریوں کی خدمت اور تحفظ کیلئے ہر ممکن اقدامات کو یقینی بنائیں انہوں نیکہاکہ تمام سینئر افسران بہترین قائدانہ صلاحیتوں کو بروئے کار لاتے ہوئے ماتحت عملے سے بہتر ین کارکردگی لیں۔