بلوچستان کے 14اضلاع میں انسدادِ پولیو کی خصوصی مہم اختتام پذیر ہو گئی جبکہ 6اضلاع میں مہم اب بھی جاری ہے۔ایمرجنسی آپریشن سینٹر کے مطابق بلوچستان کے 6 اضلاع میں انسدادِ پولیو مہم اب بھی جاری ہے۔ ایمرجنسی آپریشن سینٹر نے بتایا کہ ڈیرہ بگٹی، سبی، صحبت پور، جعفر آباد، اوستہ محمد اور نصیرآ باد میں مہم پیر کو تیسر ے روز بھی جاری رہی۔ ایمرجنسی آپریشن سینٹر کے مطابق ان 6اضلاع میں انسدادِ پولیو مہم ہیٹ ویو کی وجہ سے مو خر کی گئی تھی جو اب 14 جون تک جاری رہے گی۔ یاد رہے کہ بلوچستان کے 20 اضلاع میں انسدادِ پولیو مہم کے دوران 18لاکھ سے زائد بچوں کو پولیو سے بچاؤ کے قطرے پلانے کا ہدف مقرر کیا گیا تھا۔