لاہور (سپورٹس رپورٹر) پنجاب یوتھ فیسٹیول انٹر ڈویژنل بلائنڈ کرکٹ ٹورنامنٹ راولپنڈی نے جیت لیا ۔ فائنل میں میزبان لاہور کو 10 وکٹوں سے شکست دے دی ۔ یونیورسٹی آف انجئیرنگ اینڈ ٹیکنالوجی لاہور میں کھیلے گئے فائنل میں راولپنڈی نے ٹاس جیت کر لاہور کو پہلے  بیٹنگ کی دعوت دی ۔ لاہور کی ٹیم نے مقررہ15 اوورز میں 5 وکٹوں کے نقصان پر 142 رنز بنائے سلمان 54 رنزکے ساتھ نمایاں بلے باز رہے ۔ جواب میں راولپنڈی نے مطلوبہ ہدف بغیر کسی نقصان کے حاصل کر لیا ۔ ارسلان 72 اور شاہد 58 رنز بنا کر ناٹ آئوٹ رہے ۔ پاکستان بلائنڈ کرکٹ کونسل کے چئیرمین سلطان شاہ نے فاتح ٹیم کے کھلاڑیوں میں انعامات اور ٹرافیاں تقسیم کیں۔