اسلام آباد ( سپورٹس رپورٹر) پاکستان میں انٹرنیشنل سکواش ایونٹس کے از سر نو انعقاد اور اس کھیل کو ملک میں کرکٹ کی طرح عوام میں مقبول بنانے کے سلسلے میں پاکستان سکواش فیڈریشن نے پاکستان اور مصر کے ٹاپ رینکنگ کھلاڑیوں کے مابین سکواش سیریز کے انعقاد کا اعلان کیا ہے۔ یہ سیریر 6اور7اپریل کو کراچی میں کھیلی جائے گی جس میں دونوں ممالک کے پانچ پانچ کھلاڑی شرکت کریں گے۔ پاکستان سکواش فیڈریشن کے سینئر نائب صدر ائر وایس مارشل سید رضی نواب نے کہاکہ سیریز کیلئے پی اے ایف میوزیم کراچی میں خصوصی طور پر فور وال گلاس کورٹ نصب کیا جائے گا۔ پاکستان میں مصحف علی میر سکواش کورٹ کے بعد یہ دوسرا فور وال گلاس کورٹ ہو گا۔