مدینہ منورہ (اے پی پی) سعودی وزارت ماحولیات و زراعت نے سینکڑوں برس پرانے درختوں کو تلف ہونے سے بچا لیا ہے ۔ سعودی اخبار کے مطابق مدینہ منورہ میں قدیم درختوں کی دیکھ بھال کرنے والے ادارے کے ڈائریکٹر ڈاکٹر اسامہ نے میڈیا سے گفتگو کرتے ہوئے بتایا کہ درختوں کی جڑوں میں نامعلوم افراد نے آگ لگا جس سے یہ نایاب اور سینکڑوں برس قدیم درخت تباہ ہو رہے ہیں۔ ڈاکٹر اسامہ نے مزید بتایا کہ قدیم درختوں کو بچانے کے لئے فوری طور پر کام کرتے ہوئے ان کی جڑوں کے اطراف میں جست کی چادر لگا کر اس میں قدرتی کھاد اور علاقے کی مٹی بھر کر انہیں محفوظ کر دیا گیا۔