شاہ پورصدر (نامہ نگار) شاہ پور خوشاب روڈ پر دریائے جہلم پل کے نزدیک ایک تیزرفتار ڈمپر مسافر رکشے پر چڑھ گیا۔ دو مسافر جاں بحق جبکہ رکشہ ڈرائیورسمیت تین مسافر شدید زخمی ہو گئے۔ ڈمپر ڈرائیور ڈمپر لیکر فرار ہو گیا۔ تفصیلات کے مطابق رکشا ڈرائیورعمران شاہپور سٹی سے مسافروں کو لیکر خوشاب جا رہا تھا کہ پیچھے سے آنے والا تیز رفتار ڈمپر نے اسے ٹکر دے ماری جس کے نتیجے میں پیچھے بیٹھے دو افراد محمد خان ولد رمضان سکنہ شاہپورسٹی اور دستگیر عرف گلو سکنہ جلال پور جاگیر موقع پر ہی جاں بحق ہو گئے ۔ عمران اور ضیا ء شدید زخمی ہوئے ان کی ٹانگیں ٹوٹ گئیں۔ اطلاع ملتے ہی شاہ پورسٹی پولیس موقع پر پہنچ گئی ۔ نعشوں اور زخمیوں کو ہسپتال پہنچایا ۔ پولیس نے ڈمپر کا تعاقب کیا نہ خوشاب پولیس کو اطلاع دی جس سے ڈمپر ڈرائیور بچ نکلنے میں کامیاب ہو گیا ۔