سندر: کار کی موٹر سائیکل کو ٹکرخاتون جاں بحق ،رشتہ دار شدید زخمی

سندر ( خصوصی رپورٹ) سندر انڈسٹریل اسٹیٹ کے قریب تیز رفتار کار نے مخالف سمت سے آنے والی موٹر سائیکل کو ٹکر مار دی جس کے نتیجے میں موٹر سائیکل ڈرائیور اور اس کے ساتھ سوار خاتون شدید زخمی ہوگئی۔ زخمیوں کو قریبی ہسپتال پہنچایا گیا مگرخاتون زخموں کی تاب نہ لاتے ہوئے دم توڑ گئی۔ کار سوار موقع سے فرار ہوگیا ۔جاں بحق ہونے والی قریبی گائوں مل کی رہائشی تھی اہل علاقہ نے روڈ کو بلاک کر کے شدید نعرے بازی کی جس سے رائیونڈ سندر روڈ پر گاڑیوں کی لمبی لائنیں لگ گئیں ۔مظاہرین نے سی ٹی او لاہور سے حادثات کو روکنے کے لیئے ٹریفک واڈنز کو تعینات کرنے کا مطالبہ کیا۔