حافظ آباد+پنڈی بھٹیاں (نمائندہ نوائے وقت +نامہ نگار) منشیات اسمگلرز سمیت 5 ملزمان گرفتار، بھاری مقدار میں منشیات برآمدتفصیلات کے مطابق تھانہ صدر پنڈی بھٹیاں اور تھانہ صدر حافظ آباد کے علاقوں سے 3 بین الصوبائی منشیات اسمگلرز سمیت 5 ملزمان گرفتارکر لئے۔تھانہ صدرپنڈی بھٹیاں پولیس نے ضلع نوشہرہ صوبہ خیبر پختونخواں کے منشیات کے اسمگلر لقمان خاں کو کار سمیت گرفتار کر کے اس کے قبضہ سے2 کلو چرس برآمد کرکے مقدمہ درج کر لیا،جبکہ بیرانوالہ فلائی اوور کے قریب  ضلع نوشہرہ صوبہ خیبر پختونخواں کے  منشیات کے اسمگلر یونس سے 1230 گرام چرس برآمد کرکے مقدمہ درج کر لیا،موٹروے میاں راجہ کے قریب ضلع نوشہرہ صوبہ خیبر پختونخواں کے منشیات کے اسمگلر سہیل کوگرفتار کر کے1270گرام چرس برآمد کر کے مقدمہ درج کر لیا۔ تھانہ صدر حافظ آباد پولیس نے خفیہ معلومات کی بنیاد پر فیصل ٹاون میں شراب فروش ارشد کو گرفتار کر کے اس کے قبضہ سے سامان چالو بھٹی ، شراب 40 لیٹر اور 200 لیٹر لہن جبکہ شراب فروش عنصر کے قبضہ سے 30 لیٹر شراب ،160 لیٹر لہن اور سامان شراب چالو بھٹی برآمد کرکے  مقدمات درج کر لئے گئے۔