وزیراعلیٰ پنجاب عثمان بزدار کا کہنا ہے کہ پنجاب بھر کے 1 لاکھ سے زائد ہیلتھ کئیر ورکرز کی کورونا ویکسینیشن کے بعد آج سے 60سال سے زائد عمر کےشہریوں کی ویکسینیشن کا بھی آغاز ہو گیا ہے. ان کا کہنا ہے کہ شناختی کارڈ نمبر 1166 پر SMS کر کے اب تک ڈیڑھ لاکھ بزرگ افراد کی رجسٹریشن ہو چکی ہے اور ویکسینیشن کےلیے صوبے میں 104سنٹرز قائم کیےگئےہیں.
عثمان بزدار کا مزید کہنا ہے کہ لاہور میں ایکسپو سنٹر فیلڈ ہسپتال میں ویکسین لگانے کا عمل جاری ہے جہاں 20 ویکسینیشن کاونٹرز قائم کیے گئے ہیں۔ ہم سب کا فرض بنتا ہے کہ اپنے بزرگوں کی COVID-19 ویکسینیشن کروائیں تاکہ وہ اس وبا سے بچاؤ کے لیے مدافعت حاصل کر سکیں.