لاہور(لیڈی رپورٹر)ڈی پی آئی کالجز پنجاب ڈاکٹر عاشق حسین نے کہا ہے کہ پاکستانی طالبات کسی سے کم نہیں اور ہر سطح پر بہترین نتائج دے کر ملک و قوم کا نام روشن کررہی ہیں۔ وہ گزشتہ روز اسلامیہ کالج برائے خواتین کینٹ کے کانووکیشن سے خطاب کررہی ہیں۔ اس موقع پرڈائریکٹر کالجز ڈاکٹر سلیمان، کالج پرنسپل پروفیسر نسرین جاوید خان، سمن آباد کالج کی پرنسپل ڈاکٹر حلیمہ آفریدی و دیگر کالجوں کے پرنسپل اور اساتذہ بھی موجود تھیں۔ کانووکیشن میں2018-19 کی 300 سے زائد طالبات میں ڈگریاں اور 45 کو گولڈ میڈلز سے نوازا گیا۔