بلاول قافلہ جمہوریت کوکراچی سے اسلام آبادلائے ہیں،نذیرعباسی

  مری(نامہ نگار خصوصی )جانشین شہداء وسپہ سالارجمہوریت چیئرمین پی پی بلاول بھٹو زرداری کی ولولہ انگیز قیادت جو ایک نئی سوچ اورنئے عزم سے قافلہ جمہوریت کوکراچی سے اسلام آبادلائے ہیں اس لانگ عوامی مارچ میں عوامی سمندردیکھ کر اقتدار کے ایوانو ں میں کھلبلی مچ گئی ہے۔ان خیالا ت کا اظہارپاکستان پیپلزپارٹی تحصیل مر ی کے صدر محمدنذیرعباسی ایڈووکیٹ،جنرل سیکرٹری مظہرعباسی ،سیکرٹری انفارمیشن سیدعلی رضاء شاہ منٹی ،پی پی پی مری سٹی کے صدرخالد محمود چوہدری ایڈووکیٹ ودیگرنے اپنے مشترکہ بیان میں کہا ہے۔ 
 انہوں نے کہا کہ اس صورت حال میں حواس باختہ حکمران اور انکے ترجمان بوکھلا گئے ہیں،عوام کوبدترین مہنگائی اوربیروزگاری کے ستائے ہوئے عوام، مرغی،انڈے ،کٹے اوربھینسیں فروخت کرکے معیشت کو بہترکے دعوے کرنے والے حکمرانوں کو عبرتناک شکست نظر آگئی ہے۔