سعودی عرب: امام مسجد کو غیر قانونی طریقے سے چندہ جمع کرنے پر گرفتار کر لیا گیا

سعودی عرب کے شہر ریاض میں امام مسجد کو غیر قانونی طریقے سے چندہ جمع کرنے پر گرفتار کر لیا گیا۔عرب میڈیا کے مطابق کچھ عرصے سے ریاض کی ایک مسجد کا امام مسجد کے باہر لوہے سے بنائے گئے عارضی شیلٹر میں اشیائے خورد و نوش اور نقد رقوم کی صورت میں چندہ جمع کر رہے تھا۔کمیٹی نے الزام عائد کیا ہے کہ مسجد کے پیش امام کو سرکولر جاری کرکے غیرقانونی طریقوں سے سامان اور نقد رقم جمع کرنے سے روکا گیا  تاہم انہوں نے وزارت سے جاری کردہ سرکولرز کو نظرانداز کرتے ہوئے قانونی طریقے اپنانے کے بجائے غیرقانونی طریقوں سے چندہ جمع کرنے کا سلسلہ جاری رکھا، جس پر انہیں گرفتار کرلیا گیا۔