ڈاکوؤں، چوروں نے متعدد شہریوں کو مال و زر سے محروم کر دیا 

لاہور (نامہ نگار) شہر بھر میں ڈاکوؤں اور چوروں نے شہریوں سے لاکھوں روپے، زیورات، موبائل فون، موٹر سائیکلیں، گاڑیاں اور دیگر سامان لوٹ لیا ہے۔ ڈاکوؤں نے سندر میں منور کے گھر گھس کر اس کے اہلخانہ کوگن پوائنٹ پر یرغمال بنا کر 5لا کھ 78 ہزار،  موبائل فون، زیورات اور دیگر سامان، ڈیفنس میں عارف کے گھر سے 4 لاکھ 60ہزار، پرائز بانڈز، موبائل فون، زیورات و دیگر سامان، ہنجرال میں مقصود اور اس کی فیملی سے 3لاکھ 90ہزار، زیوارات اور موبائل فون، شیراکوٹ میں سعید اور فیملی سے 2لاکھ 10ہزار،  زیوارات، نواب ٹاؤن میں نذیر سے  گن پوائنٹ پر 40ہزار اور موبائل فون، برکی میں نبیل سے گن پوائنٹ پر 35ہزار اور موبائل فون، قائد اعظم انڈسٹریل اسٹیٹ میں سنیل سے18 ہزار اور موبائل فون لوٹ لیا۔ چوروں نے بادامی باغ کے اصغر کے گودام سے 4 لاکھ  کا لوہا، ڈیفنس،گارڈن ٹاؤن اور ہڈیارہ سے 3 گاڑیاں، گلشن راوی سے رکشہ جبکہ گوالمنڈی، ملت پارک، جوہر ٹاؤن، مناواں، راوی روڈ، سندر، بھاٹی گیٹ اور شاہدرہ سے 8 موٹر سائیکلیں چوری کر لیں۔
ڈاکے