لاہور(سپورٹس رپورٹر)کوئٹہ گلیڈی ایٹرز کے کھلاڑی سہیل خان نے کہا ہے کہ چھوٹی باؤنڈریز اور فلیٹ وکٹ پر بائولرز کیلئے مشکلات زیادہ ہوتی ہیں، جس اینڈ سے میں بائولنگ کررہا تھا وہاں سے تو آدھے شاٹ پر بھی باؤنڈری لگ جاتی ہے۔ وکٹ ٹی ٹونٹی کیلئے اچھی تھی لیکن باؤنڈری تھوڑی بڑھا دیں تو مزید اچھا ہو جائیگا۔ ایسی وکٹوں پر اگر ریورس نہ کرسکے تو بہت مشکل ہوگی، نوجوانوں کو ریورس سوئنگ سکھانا ضروری ہے۔ بابر اعظم ورلڈ کلاس کھلاڑی ہے، بابر اور صائم اس عہد کے بہترین اوپنرز ہیں، ان کے سامنے میں اور محمد عامر دو ریٹائرڈ بائولرز تھے۔ خواجہ نافع میں صائم اور بابر جیسی کلاس ہے، وہ آنے والے وقت میں پاکستان کیلئے اچھا اوپنر ثابت ہوگا۔ میں نے سیزن کا دوسرا میچ کھیلا، وکٹ بیٹنگ کیلئے مشکل نہ تھا، چھوٹی موٹی غلطیاں ہوجاتی ہیں، کوشش کریں گے کہ اگلے میچز میں کم بیک کریں۔