واہ میڈیکل کالج کی طالبہ ڈاکٹر میمونہ ستار کیلئے بہترین طالبہ کا اعزاز

راولپنڈی (جنرل رپورٹر)واہ میڈیکل کالج کی طالبہ ڈاکٹر میمونہ ستار نے کالج کی بہترین طالبہ کا اعزاز حاصل کر لیا نیشنل یونیورسٹی آف میڈیکل سائنسز (NUMS)کے وائس چانسلر لیفٹیننٹ جنرل (ر)وسیم عالمگیر نے کالج کی بارہویں سالانہ تقریب تقسیم انعامات میں ڈاکٹر میمونہ ستار کو بہترین طالبہ کا انعام دیا تقریب میں کالج کے پرنسپل میجر جنرل (ر)پروفیسر عبدالخالق نوید نے کالج کی سالانہ رپورٹ  پیش کی اس موقع پر کالج کے فارغ التحصیل طلبا وطالبات کو بیچلر آف میڈیسن اور بیچلر آف سرجری کی ڈگریاں دی گئیں جس میں ڈاکٹر میمونہ ستار کو اول ، ڈاکٹر آمنہ ذکا کو دوم اور ڈاکٹر آئینہ پاشا کو سوم پوزیشن کا حقدار قرار دیا گیاجبکہ بہترین کارکردگی کا مظاہرہ کرنے والی طالبات کو نقد انعامات بھی دیئے گئے۔