ستھرا پنجاب ماہ صفائی مہم ، ہزاروں ٹن کوڑا کرکٹ کو ٹھکانے لگا دیا گیا

راولپنڈی (جنرل رپورٹر)راولپنڈی ویسٹ مینجمنٹ کمپنی نے وزیر اعلیٰ پنجاب مریم نواز شریف کی ہدایت پر جاری ستھرا پنجاب ماہ صفائی مہم میں بھرپور صفائی آپریشن میں ہزاروں ٹن کوڑا کرکٹ کو ٹھکانے لگا دیا ہے اور ساتھ ہی بڑے پیمانے پر جاری صفائی آگاہی مہم میں شہریوں کو اس مہم کا حصہ بنانے کا کام بھی زوروشور سے جاری ہے،گزشتہ روز چیئرمین راولپنڈی ویسٹ مینجمنٹ کمپنی ثاقب رفیق نے ستھرا پنجاب ماہ صفائی مہم کے سلسلے میں ایک آگاہی واک کی قیادت کی ،واک میں خواتین نے بھی شرکت کی ،واک کے شرکاء میں راولپنڈی ویسٹ مینجمنٹ کمپنی کی کمیونیکیشن اینڈ سوشل موبلائزیشن ٹیم کے ارکان نے معلوماتی پمفلٹس بھی تقسیم کئے،چیئرمین آ رڈبلیو ایم سی ثاقب رفیق نے کہا کہ ستھرا پنجاب ماہ صفائی مہم میں شہرکو زیرو ویسٹ کرنے کیلئے پرعزم ہیں،پوری امید ہے کہ صفائی کی کاوشوں میں شہریوں کا بھرپور تعاون زیروویسٹ اور کلین اینڈ گرین راولپنڈی کے ہدف کے حصول میں معاون ثابت ہوگا