کلر سیداں پولیس نے جوئے کی محفل الٹ دی،دو قمار باز گرفتار

 کلر سیداں (نامہ نگار)کلر سیداں پولیس نے چوآخالصہ اور دوبیرن کے قریب کارروائی کرتے ہوئے جوئے کی محفل الٹ دی،دو قمار باز گرفتار،داؤ پر لگی رقم اور دیگر اشیاء برآمد کر لیں۔پولیس کو مخبر نے اطلاع دی کہ کھناہدہ کے مقام پر کافی تعداد میں لوگ مرغوں کی لڑائی میں جواء کھیل رہے ہیں جس پر پولیس فوری طور پر موقع پر پہنچ گئی جسے آتا دیکھ کر وہاں مشغول متعدد افراد تتر بتر ہو ہو گئے تا ہم اس دوران پولیس نے دو افراد کامران صدیق اور محمد عالیان کو قابو کر لیا جبکہ طارق محمود، کامران، اشفاق، ثاقب،عاقب، اشرف، مزمل معلوم ہوئے موقع سے فرار ہو جانے میں کامیاب ہو گئے۔پولیس نے داؤ پر لگی چھ ہزار روپے کی رقم،ایک عدد اصیل مرغا اور چار عدد موٹر سائیکلز قبضہ میں لے لیئے۔